បណ្តាញបុរសកម្ពុជា (បបក) មានគោលបំណងលើកទឹកចិត្តបុរសឱ្យធ្វើការរួមគ្នាដើម្បីលុបបំបាត់អំពើហិង្សាលើស្ត្រី និងលើកកម្ពស់យុត្តិធម៌យេនឌ័រ និងធ្វើជាគំរូល្អសម្រាប់មិត្តភ័ក្តិជុំវិញ និងកូនប្រុសរបស់ពួកគេ។ បណ្តាញបុរសកម្ពុជា ធ្វើការដើម្បីពង្រឹងបណ្តាញបុរសទូទាំងប្រទេស ដោយកៀងគរបណ្តាញផ្សេងៗដើម្បីធ្វើជាយុទ្ធនាការលុបបំបាត់អំពើហិង្សាលើស្ត្រី។ ជម្រុញលើកទឹកចិត្តឱ្យបុរសទាំងឡាយក្លាយជាភ្នាក់ងារផ្លាស់ប្តូរការគិតថាអំពើហិង្សាលើស្ត្រីគឺជាបញ្ហារបស់បុរស ហើយបុរសត្រូវតែដោះស្រាយបញ្ហានៃអំពើហិង្សាដោយខ្លួនឯង; ដោយចូលរួមតស៊ូមតិ និងបញ្ចុះបញ្ចូលក្នុងការជម្រុញការអនុម័ត និងការអនុវត្តច្បាប់ដែលការពារស្ត្រីពីគ្រប់ទម្រង់នៃអំពើហិង្សា។