តាមរយៈគុណតម្លៃស្នូលរបស់យើង កម្មវិធីអប់រំបែបហ្វេមមីនីស ដឹង និងទទួលស្គាល់ថា ការយល់ដឹងកាន់តែច្បាស់អំពីឫសគល់នៃរចនាសម្ព័ន្ធកាន់តែស៊ីជម្រៅ និងចំណុចប្រសព្វនៃអំណាច និងលិទ្ធិបិតាធិបតេយ្យ ក៏ដូចជា ឫសគល់នៃភាពអយុត្តិធម៌ ការផាត់ចេញ ការរើសអើង និងអំពើហិង្សានានា គឺត្រូវតែដោះស្រាយ។ ដូច្នេះហើយ យើងទាំងអស់គ្នាអនុវត្តសសរស្តម្ភស្នូលទាំងនេះក្នុងគ្រប់សកម្មភាពដែលយើងធ្វើ។

១) សកម្មភាពនៃអន្តរប្រសព្វ៖ ក្នុងនាមជាហ្វេមមីនីស យើងប្រកាន់យកទស្សនៈអន្តរប្រសព្វមួយដែលទទួលស្គាល់ថាការរើសអើងយេនឌ័រមិនកើតឡើងដោយឯកោទេ ប៉ុន្តែវាកើនឡើងច្រើននៅពេលដែលវាប្រសព្វគ្នាជាមួយនឹងការគៀបសង្កត់ និងការផាត់ចេញផ្សេងទៀតដែលមនុស្សជួបប្រទះ។ រចនាសម្ព័ន្ធអំណាចដ៏ជ្រៅផ្សេងទៀតទាំងនេះរួមមាន វណ្ណៈ ជាតិសាសន៍ ពូជសាសន៍ អាយុ សមត្ថភាព ទីតាំង និងសាសនា។

២) ស្វ័យភាព និងសុចរិតភាពនៃរាងកាយ៖ ក្នុងនាមជាហ្វេមមីនីស យើងតស៊ូមតិសម្រាប់សិទ្ធិរបស់មនុស្សម្នាក់ៗក្នុងការធានាស្វ័យភាព សុចរិតភាព និងសេរីភាពក្នុងការជ្រើសរើសរបស់ពួកគេ ដោយមិនគិតពីយេនឌ័រ ឬអត្តសញ្ញាណផ្សេងទៀត និងការសម្រេចចិត្តក្នុងជីវិតផ្លូវភេទ និងសុខភាពបន្តពូជរបស់ពួកគេ ដោយមិនគិតពីទម្រង់ណាមួយឡើយពី ការបង្ខិតបង្ខំ អំពើហឹង្សា ឬការភ័យខ្លាច។

៣) ការអនុវត្តអំណាចបែបបំប្លែង៖ យើងជឿថាមនុស្សគ្រប់គ្នា គឺជាភ្នាក់ងារនៃការផ្លាស់ប្តូរ ហើយវាចាប់ផ្តើមដោយ ‘’ពួកយើង’’ មិនមែន ‘’ពួកគេ’’ នោះទេ ដូច្នេះការឆ្លុះបញ្ចាំងខ្លួនឯងជាប្រចាំនៅក្នុងការអនុវត្តប្រចាំថ្ងៃ របស់យើងគឺមានសារៈសំខាន់ណាស់។

៤) រីកចម្រើនជាមួយគ្នា៖ ”ការពង្រឹងការចូលរួម ដើម្បីកសាងការថែទាំរួមគ្នា និងដំណើររីកចម្រើននេះ មានសារៈសំខាន់បំផុតសម្រាប់យើង។” យើងបង្កើតកន្លែងសុវត្ថិភាពនៃទស្សនៈ នៃ “របួសខ្លួនឯង” និង “ការព្យាបាលខ្លួនឯង” ដែល បុគ្គលម្នាក់ៗអាចបង្ហាញពីចំណុចខ្សោយរបស់ពួកគេ ឬអារម្មណ៍ឈឺចាប់ និងផ្សាភ្ជាប់ជាមួយនឹងភាពខ្លាំង និងសេចក្តីរីករាយខាងក្នុងរបស់ពួកគេដោយសេរីភាព។ កន្លែងនេះគឺសម្រាប់ការរៀនសូត្រ ការគាំទ្រគ្នា និងការរីកលូតលាស់រួមគ្នា។